«Nie padabajecca maskoŭski prychod — budzie stambulski»: Pucin prakamientavaŭ stvareńnie carkvy va Ukrainie
Prezident Rasii Uładzimir Pucin nazvaŭ stvareńnie novaj pravasłaŭnaj carkvy va Ukrainie umiašańniem dziaržavy ŭ relihijnaje žyćcio. Pra heta jon paviedamiŭ na štohadovaj pres-kanfierencyi.
«Takoha nie było z časoŭ SSSR. Nie padabajecca im maskoŭski prychod — budzie stambulski», — skazaŭ jon.
Na dumku Pucina, hałoŭnym matyvam patryjarcha Kanstancinopalskaha Varfałamieja źjaŭlajecca farmiravańnie zaležnaści ŭkrainskaj carkvy ad Turcyi. Prezident zajaviŭ, što jon choča «padparadkavać terytoryju i zarablać na hetym hrošy». Pucin dadaŭ, što taksama mieła miesca «padkazka z Vašynhtona».