Parłamient Kosava prahałasavaŭ za stvareńnie ŭłasnaj armii. NATA suprać, Sierbija pahražaje interviencyjaj
Parłamient Kosava prahałasavaŭ za stvareńnie rehularnaj ciažkaŭzbrojenaj armii siłaj piać tysiač čałaviek, niahledziačy na toje, što takaja miera, pa słovach premjer-ministra Sierbii Any Brnabič, moža spravakavać vajennaje ŭvarvańnie z boku Białhrada, paviedamlaje Reuters.
Heta rašeńnie padtrymali 105 z 120 deputataŭ parłamienta. Hałasavańnie bajkatavali pradstaŭniki sierbskaj mienšaści respubliki — na ich dumku, armija dapamoža uładam Kosava vycisnuć reštki sierbskaha nasielnictva.
Stvareńnie kosaŭskaj armii asudzili ŭ NATA. «Mnie škada, što hetaje rašeńnie było pryniata, niahledziačy na zaniepakojenaść NATA, — zajaviŭ hienieralny sakratar aljansu Jens Stołtenbierh. — Paŭnočnaatłantyčny Aljans pierahledzić uzrovień supracoŭnictva ź Siłami biaśpieki Kosava».