Navukoŭcy raskryli hałoŭny sakret rudych vałasoŭ
Hienietyki z Univiersiteta Edynburha vyśvietlili, što ludzi z rudym koleram vałasoŭ źjaŭlajucca nośbitami jak minimum vaśmi niezvyčajnych daminantnych hienaŭ, jakija dazvalajuć pieradavać niezvyčajny koler vałasoŭ i inšyja asablivaści pa spadčynie.
Fota: yandex.ru.
U ahulny śpis hienietyčnych asablivaściaŭ ŭvajšli 200 par hienaŭ, dziakujučy jakim farmujecca admysłovaja hienietyčnaja struktura, praź jakuju čałaviek moža naradzicca z rudymi vałasami, viasnuškami i niezvyčajnym koleram vačej adnačasova.
Pry hetym daśledčyki ŭdakładniajuć, što rudy koler vałasoŭ moža mieć niekalki roznych adcieńniaŭ, a viasnuški mohuć mieć roznuju strukturu i raźmiaščacca na roznych častkach cieła. Akramia taho, daśledniki vyjavili i inšuju asablivaść: epidermis ludziej z rudym koleram vałasoŭ značna adroźnivajecca ad ludziej ź inšym koleram z-za taho ž hienietyčnaha naboru.