Salihorcy dapamahli tureckamu dalnabojščyku, što zachras na trasie
Dalnabojščyk z Turcyi nie zaryjentavaŭsia ŭ ciemry i pajechaŭ u niapravilnym kirunku. Kali zrazumieŭ, što jedzie nie tudy, jon pasprabavaŭ zaviarnuć furu, ale zachras.
Fota: autorun.by.
U subotu, 8 śniežnia salihorac Raman Siankievič napisaŭ u supołcy «Salihorskija Aŭtaamatary», što na R23 dalnabojščyku patrebna dapamoha i pakinuŭ numar telefona dla suviazi.
Užo praz hadzinu da dalnabojščyka stali źjazdžacca ludzi z rydloŭkami, lichtarykami, termasami i buterbrodami. Praź niejki čas padjechali i supracoŭniki MNS z DAI, pieradaje autorun.by.
Videa: Salihorskija Aŭtaamatary.
Ahulnymi namahańniami śnieh z-pad fury vyčyścili. Ale vyciahnuć mašynu nie atrymałasia — vaha zanadta vialikaja. Mima jechała mašyna dla pieravozki ščebieniu — hruzavik vyciahnuli. Zatym tureckaha dalnabojščyka praviali da zapraŭki ŭ Starobinie.