Čamadan, vakzał — i ŭ Aŭhsburh
Hałoŭny trenier «Reała» Biernd Šuster adpraŭleny ŭ adstaŭku.
Hałoŭny trenier madrydskaha «Reała» Bernd Šuster adpraŭleny ŭ adstaŭku.
Novym trenieram karaleŭskaha kłuba pryznačany Chuande Ramas, paviedamlaje Priessboł.
Uradženiec bavarskaha Aŭhsburha Bernd Šuster kiravaŭ madrydskim kłubam ź leta 2007 h. Pryvioŭ jaho ŭ pieršy svoj siezon «Reał» da čempijonstva ŭ 2008 h., ale heta siezon pačaŭsia nie zusim udačna.
«Mierynhi» vybyli z karaleŭskaha Kubka, sastupiŭšy kamandzie treciaha dyvizijona, a ŭ minułuju niadzielu prajhrali na svaim poli «Sievilji» - 3:4, heta była treciaja paraza ŭ čatyroch apošnich matču čempijanatu.
Paśla 14 turaŭ idzie tolki na piatym miescy ŭ čempijanacie Hišpanii, na dzieviać punktaŭ adstajučy ad svajho zaklataha vorahu - «Barsiełony».
Nahadajem, taksama, što madrydski kłub byŭ supiernikam BATE pa hrupavym turniry Lihi čempijonaŭ. Biełarusy dvojčy prajhrali - 0:2, 0:1.
Zaŭtra, na «Sanćjaha Biernabieŭ» u zaklučnym tury ŁČ «Reał» zhulaje z «Zienitam»,
a 14 śniežnia - supierkłasiko: «Barsiełona» - «Reał».
***
Chuande Ramas, uefa.com |
Chuande Ramas naradziŭsia ŭ 1954 h. u Śjudad‑Reale.
Treniravaŭ «Levante», «Łahrońjes», «Lerydu», «Rajo Valekana», «Reał Becis», «Małahu», «Espańjoł» dy inš.
Viadomaść da jaho pryjšła, kali ŭznačaliŭ «Sievilju» (2005—2007), ź jakoj dvojčy vyjhravaŭ Kubak UEFA (2006, 2007).
Uletku 20007 h. Ramasa zaprasili ŭ «Totenchem». U pieršy siezon «habrei» zaniali 11‑ie miesca ŭ čempijanacie Anhlii, a sioletni siezon pačali nadzvyčaj niaŭdała, paśla vaśmi turaŭ u «Totenchema» było tolki dva punkty i apošni radok.
Ramasa zvolnili, a kłub z paŭnočnaha ŭschodu Łondana ŭznačaliŭ Chary Rednap. Ciapier, paśla 16 turaŭ, u «šporaŭ» 15-je miesca i 18 punktaŭ.