Na stancyi «Instytut kultury» mužčynu stała błaha, a druhi abakraŭ jaho
guvd.gov.by
Zdareńnie adbyłosia 11 vieraśnia kala čyhunačnaj stancyi «Instytut kultury» ŭ Minsku, paviedamlaje pres-słužba haradskoj milicyi.
Mužčynu stała błaha kala prypynku hramadskaha transpartu, i jon straciŭ prytomnaść. Złodziej, što prachodziŭ mima, skarystaŭsia situacyjaj i skraŭ torbu mužčyny.
Paśla hetaha prajšoŭ na płatformu stancyi, ahledzieŭ torbu, znajšoŭ novy mabilny telefon i zabraŭ jaho sabie, a torbu pakinuŭ na łaŭcy. Hety telefon paciarpieły vioz u padarunak dačce.