U Žabincy eks-namieśnik staršyni rajvykankama atrymaŭ 5 hadoŭ kałonii za machinacyi na «Dažynkach»
U sudzie Žabinkaŭskaha rajona vynieśli prysud u dačynieńni da byłoha namieśnika staršyni rajvykankama. Eks-kiraŭnika pryznali vinavatym u pieravyšeńni ŭłady i słužbovych paŭnamoctvaŭ.
U 2016 hodzie pa vynikach konkursu na raźlikovy rachunak upraŭleńnia sielskaj haspadarki i charčavańnia Žabinkaŭskaha rajvykankama pastupiła premija za 5,5 tysiačy rubloŭ. Čynoŭnik nie moh pretendavać na hetyja hrošy, tamu raźmierkavaŭ premii siarod svaich padnačalenych. Zatym jon zapatrabavaŭ ad kožnaha ź ich pieradać jamu pałovu sumy.
U tym ža hodzie pry praviadzieńni abłasnoha fiestyvalu-kirmašu «Dažynki» jon atrymaŭ kaštoŭnaści, košt jakich byŭ uklučany ŭ apłatu charčavańnia delehacyi.
Akramia taho, z sakavika 2014 hoda pa listapad 2016 patrabavaŭ u miascovaha fiermiera 104 miaški burakovaha cukru.
Sud prysudziŭ eks-kiraŭnika da 5 hadoŭ kałonii ŭzmocnienaha režymu z kanfiskacyjaj majomaści i z pazbaŭleńniem prava zajmać peŭnyja pasady.