Dziasiatak rejsaŭ spaźniajecca ŭ Minsk praz mocny tuman
Bolš za dziesiać avijarejsaŭ prybuduć u Nacyjanalny aeraport Minsk z zatrymkaj.
Na dadzieny momant zatrymlivajucca čatyry samaloty z Maskvy (rejsy V2984, SU1830, UT835 i V2972), a taksama avijarejsy ź Vilni (V2802), Zaparožža (M9317), Kalininhrada (V2948), Kijeva (V2844 i PS889), Stambuła (V2784) i Sankt-Pieciarburha (V2942). Čas zatrymki składaje ad 20 chvilin da 4 hadzin.
Jak rastłumačyli BiełTA ŭ Nacyjanalnym aeraporcie, zatrymka niekatorych z hetych rejsaŭ źviazana z umovami nadvorja. «Z-za tumanu jość peŭnyja abmiežavańni pa bačnaści», - prakamientavała pres-sakratar aeraporta Ramina Samatchanava. Častka rejsaŭ zatrymlivajecca z-za bolš poźniaha vyletu ź Minska, adpaviedna, zatrymlivajucca i zvarotnyja rejsy na prylot.