Finlandyja viernie žycharam amal €3 miljardy padatkaŭ
AOP
Padatkovaja słužba Finlandyi atrymała na € 2,93 miljarda padatkaŭ bolš, čym nieabchodna, i viernie hetuju sumu hramadzianam, piša Yle sa spasyłkaj na viedamstva.
Jak adznačaje vydańnie, žychary Finlandyi časta płaciać bolš padatkaŭ i atrymlivajuć «lišnija» srodki nazad pierad Kaladami. Tak, pierapłočanyja padatki za 2017 hod im viernuć 11 śniežnia 2018 hoda.
Yle padkreślivaje, što z nastupnaha hoda ŭ Finlandyi praces padatkaabkładańnia źmienicca i padatkovaja słužba budzie ŭ realnym časie atrymlivać infarmacyju pra zarobki hramadzian. U vyniku, viartańnie padatkaŭ pieraniasuć na žnivień.