Klintan budzie dziaržsakratarkaj ZŠA
Novaabrany prezydent ZŠA Barak Abama na admysłovaj pres‑kanferencyi ŭ paniadziełak paviedamiŭ, što Chiłary Klintan pryznačanaja na pasadu dziaržaŭnaha sakratara.
Novaabrany prezydent ZŠA Barak Abama na admysłovaj pres‑kanferencyi ŭ paniadziełak paviedamiŭ, što Chiłary Klintan pryznačanaja na pasadu dziaržaŭnaha sakratara.
Mienavita Abama i Klintan byli hałoŭnymi pretendentami na vyłučeńnie ŭ prezydenty ad Demakratyčnaj partyi. Amal usiu dystancyju supierniki prajšli na roŭnych. Tolki ŭ apošni momant vyjaviłasia nievialikaja pieravaha Abamy.
Padčas pieradvybarnaj kampanii pazycyi Abamy i Klintan na mnohija mižnarodnyja pytańni byli procilehłymi. Naprykład, Abama krytykavaŭ Klintan za toje, što jana ŭ svoj čas hałasavała za ŭviadzieńnie amerykanskich vojskaŭ u Irak.
Robert Hiejts, jaki ŭznačalvaŭ Pentahon pry Džordžu Bušu, zachavaje svaju pasadu i ŭ novaj amerykanskaj administracyi.