BNR, turystyčnyja maršruty, šedeŭry narodnaha mastactva — chity prodažaŭ u «Akademknizie»
«Akademičnaja kniha» (pr.Niezaležnaści, 72) prapanuje padborku najlepš pradavanych knih vydaviectva «Biełaruskaja navuka».
Volha Łabačeŭskaja. Mastactva dziela słavy Božaj
Sałamianyja ikanastasnyja varoty i carkoŭna-kultavyja pradmiety.
Vydańnie pradstaŭlaje šedeŭry biełaruskaha dekaratyŭna-prykładnoha mastactva — sałamianyja carskija varoty pačatku XIX st. ź ikanastasaŭ paleskich cerkvaŭ. U knizie apaviadajecca pra historyju i techniku stvareńnia ŭnikalnych tvoraŭ, analizujucca narodnyja vytoki hetaha vidu mastactva. Pakazany i sučasny praciah unikalnaj tradycyi.
Kniha ŭzbahačaje viedy ab historyi biełaruskaha mastactva i pryznačana jaho znaŭcam i amataram, muziejnym supracoŭnikam, vykładčykam historyi mastactva i biełarusaznaŭstva.
Biełaruskaja Narodnaja Respublika — krok da niezaležnaści
Da 100-hodździa abviaščeńnia: histaryčny narys / A. A. Kavalenia [i inš.]; Nacyjanalnaja akademija navuk Biełarusi, Instytut historyi.
Vydańnie adlustroŭvaje składany i supiarečlivy praces afarmleńnia biełaruskaj nacyjanalnaj dziaržaŭnaści.
Kniha raźličana na šyrokaje koła čytačoŭ: prafiesijnych historykaŭ, nastaŭnikaŭ i vykładčykaŭ, navučencaŭ i studentaŭ.
Biełaruś i Biblija
Katałoh Mižnarodnaj vystavy «Biełaruś i Biblija», jakaja prachodziła ŭ Nacyjanalnaj biblijatecy Biełarusi ad 20 vieraśnia da 21 kastryčnika 2018 h. Na vystavie ŭpieršyniu ŭ Biełarusi ekspanavalisia rarytety mižnarodnaha značeńnia, uzrost jakich dasiahaje piaci tysiač hadoŭ.
Biblija - samaja viadomaja i ŭpłyvovaja kniha ŭ historyi čałaviectva, jakaja na praciahu stahodździaŭ zastajecca samaj tyražavanaj i papularnaj na Ziamli, pierakładzienaja bolš jak na 3 tysiačy moŭ śvietu.
Vydańnie zaklikana spryjać papularyzacyi najlepšych uzoraŭ knižnaj kultury čałaviectva i biełaruskaha naroda.
Armien Sardaraŭ. Letapis pamiaci pakaleńniaŭ: miemaryjalnaja architektura Biełarusi
Kniha demanstruje šmatviakovyja tradycyi miemaryjalnaj architektury Biełarusi z dapamohaj bahataha ilustracyjnaha materyjału - bolš za 200 aŭtarskich fatahrafij i aryhinalnych ilustracyj. U joj pradstaŭleny pomniki, jakija znachodziacca bolš jak u 60 małych nasielenych punktach Biełarusi, tamu jana pryśviačajecca «Hodu małoj Radzimy».
Kniha adrasujecca ŭsim, chto cikavicca historyjaj i raźvićciom miemaryjalnaj architektury ŭ Biełarusi i inšych krainach.
Alaksandr Łakotka. Maršruty biełaruskaha turyzmu: historyka-kulturnyja łandšafty Biełarusi
Kniha pryśviečana pytańniam raźvićcia infrastruktury turyzmu ŭ Biełarusi. Jana źmiaščaje ŭnikalnyja źviestki pra šmatlikija chutary, vioski, miastečki z prykładami miascovych mifałohii i apisańniem navakolnych łandšaftaŭ.
Kniha bahata ilustravanaja, u joj jość karty turystyčnych rajonaŭ. Adrasavana šyrokamu kołu čytačoŭ.