U hateli «Tadž-Machał» praciahvajecca boj z terarystami
U hateli «Tadž-Machał» praciahvajecca boj sił indyjskaha specpryznaču z bajevikami małaviadomaj hrupoŭki «Dekan mudžachidzin», jakija zachapili budynak. Miascovyja ŚMI paviedamlajuć taksama pra zaviaršeńnie dziorzkaj aperacyi ŭ mumbajskim pradstaŭnictvie habrejskaha relihijnaj supołki CHABAD, dzie byli ŭziatyja ŭ zakładniki 10 čałaviek, u tym liku 6 izrailcianaŭ. Pakul što nieviadoma, što stałasia z zakładnikami. Jašče raniej indyjskimi vojskami było vyzvalenyja bolš za 100 zakładnikaŭ z hatelu «Trajdent Aberoj» . Krynica ŭ indyjskim uradzie paviedamiła, što padčas aperacyi byli źniščanyja dzieviać terarystaŭ.
U dziesiaci terarystyčnych atakach u Mumbai byli zabityja jak najmieniej 143 čałavieki i 300 byli paranienyja. Siarod zahibłych -- 22 inšaziemcy: try niemcy, japoniec i aŭstralijec. Nacyjanalnaść astatnich indyjskimi ŭładami pakul nie ahałošvajecca.