Vakoł teha #zahonBRSM razharnuŭsia internet-boj apanientaŭ i prychilnikaŭ arhanizacyi FOTA
Užo jaki dzień u siecivie viruje skandał, vyklikany videa radyjo «Svaboda» ab prymusovym zahonie ŭ šerahi BRSM.
Čytajcie: Jak zahaniajuć u BRSM. Vučni minskaj škoły zapisali skandalnaje VIDEA
Na im vyrazna čuvać, jak zavuč u samych krasamoŭnych farmuloŭkach ahituje školnikaŭ ustupać u BRSM.
Tyja nie pahadžajucca, i «Hanna Mikałajeŭna» idzie na roznyja chitryki: to sprabuje rasčulić padletkaŭ napaminam, što jaje buduć hetak sama pałaskać za nievykanańnie stopracentnaha płana, to sprabuje abudzić ich hramadzianskaje sumleńnie — «heta antysavietčyna niejkaja!».
I chacia BRSM śćviardžaje, što videa — staroje, a novy kiraŭnik zaklikaŭ paviedamlać jamu ab faktach prymusovych zahonaŭ, hnieŭ hramadstva abrynuŭsia na arhanizacyju.
Pad chešteham #zahonBRSM ludzi ŭzialisia ŭzhadvać ułasnuju praktyku ŭstupleńnia ci nieŭstupleńnia. I mała dzie ŭ tych vodhukach było niešta na karysyć BRSM — ludzi pieravažna raskazvali, jak ad ich pahrozami i prymusam patrabavali ŭstupać.
Ale niekatoryja raskazvali, što ich abo nie prymušali, abo što za ihnaravańnie ničoha nie było.
Dopisaŭ pad chešteham stała nastolki šmat, što, vidać, u BRSM vyrašyli na heta niejak reahavać.
U arhanizacyi nie stali vydumlać alternatyŭny teh, a abrali palityku sutyknieńnia — pad tym samym chešteham łajalnaja da arhanizacyi moładź piša svaje — stanoŭčyja — historyi siabroŭstva ŭ arhanizacyi.
U pieršaj fałanzie pajšli rajonnyja internet-supołki BRSM.
Viadoma, što ŭ pieravažnaj bolšaści vypadkaŭ heta adbyvajecca paśla papiarednich prośbaŭ BRSMaŭskich rabotnikaŭ da svaich aktyvistaŭ.
Naprykład, u supołcy BRSM Ukantakcie pad adpaviednym dopisam, paklikanym sabrać prychilnikaŭ arhanizacyi, užo bolš za 200 stanoŭčych kamientaryjaŭ (ź ich tolki adzin pa-biełarusku).
Praz toje, što pikiroŭka adbyvajecca ŭ internecie i miž maładymi ludźmi, to jana prymaje i roznyja vizualnyja formy…:
…u zaležnaści ad pazicyi: