Maskva adreahavała na inicyjatyvu Łukašenki ŭ dačynieńni Danbasa
president.gov.by
Kiraŭnictva samaabvieščanych respublik DNR i ŁNR maje prava samastojna vyznačyć režym kantrolu na svaich terytoryjach, zajaviŭ pres-sakratar prezidenta Rasii Dźmitryj Piaskoŭ, kamientujučy inicyjatyvu Alaksandra Łukašenki, piša ria.ru.
«Sprava ŭ tym, što ŭ terytoryi Danbasa jość kiraŭnictva. Heta dźvie respubliki, jakija, u pieršuju čarhu, pavinny sami vyznačyć toj režym kantrolu, jaki jany paličyli b darečnym i mahčymym. Heta rašeńnie kiraŭnictva dźviuch respublik», — adznačyŭ Piaskoŭ.
Na pytańnie ab tym, «ci pahadziłasia b Rasija na biełarusaŭ», pradstaŭnik Kramla nie zmoh adkazać. «Ja nie viedaju staŭleńnie Danbasa da hetaj inicyjatyvy. Jak ja mahu zaraz farmulavać niejkuju pazicyju Rasijskaj Fiederacyi?» — rastłumačyŭ jon.
Nahadajem, što napiaredadni na sustrečy Asnoŭnaj hrupy Miunchienskaj kanfierencyi pa biaśpiecy Łukašenka zajaviŭ, što Minsk hatovy ŭziać na siabie kantrol na rasijska-ŭkrainskaj miažy i supravadžać praviadzieńnie vybaraŭ na Danbasie.