Avaryja kalektara ŭ Minsku: abrynuŭsia asfalt, a vada biła fantanam
Niepadalok ad doma № 25 na vulicy Fabryčnaj ranicaj 31 kastryčnika abrynuŭsia asfalt. Haračaja vada biła fantanam z trub, a asfalt praciahvaŭ abvalvacca niekalki hadzin, piša Jeŭraradyjo.
«Ja z bałkona doma nazirała za ŭsim, kala 9 ranicy heta adbyłosia, — raspaviała Jeŭraradyjo vidavočca. — Koły mašyn byli schavanyja pad vadoj. Haračaja vada biła fantanam, strašna tak było… Dzirka ŭ asfalcie ŭsio bolej i bolej stanaviłasia i pach niepryjemny stajaŭ».
U «Minskvodakanale» paviedamili, što pryčynaj avaryi stała paškodžańnie kanalizacyjnaha kalektara.
«Zaraz vyśviatlajem pryčynu, tam pracuje bryhada, — adkazali ŭ «Vodakanale». — Častkova abmiežavany darožny ruch. Heta kanalizacyjny kalektar, na pitnuju vadu ŭ damach heta nie paŭpłyvaje. Paciarpiełych z-za avaryi niama».