Pad Babrujskam mužčyna padpaliŭ chatu pamierłaj babuli, kab pazbavicca ad uspaminaŭ
29-hadovy mužčyna niadaŭna viarnuŭsia z zarobkaŭ u Rasii. Niezadoŭha da hetaha pamierła jahonaja babula. U viečar zdareńnia mužčyna vypiŭ śpirtnoje. Jon spačatku zajšoŭ da miascovaj žycharki, jakaja pražyvała pobač z chataj babuli ŭ vioscy Syčkava Babrujskaha rajona, i staŭ vykrykvać dziŭnyja frazy kštałtu: «Dzie baba?». Žančyna spałochałasia i patelefanavała ŭ milicyju.
Mužčyna tym časam nakiravaŭsia ŭ babulinu chatu i padpaliŭ jaje. Kali vyjšaŭ na vulicu, jaho zatrymali supracoŭniki milicyi, jakija ŭžo pryjechali ŭ Syčkava i šukali jaho. Na ščaście, pažar nie paśpieŭ razharecca, chata praktyčna nie paciarpieła.
Sam padpalščyk kaža, što takim čynam sprabavaŭ pazbavicca ad uspaminaŭ pra babulu. Jon nie paśpieŭ pryjechać na jaje pachavańnie i byŭ zasmučany.