Raŭkoŭ pra vychad ZŠA z «rakietnaj» damovy z Rasijaj: Vynik moža być rozny
Mahčymy vychad ZŠA z damovy pra rakiety siaredniaj i mienšaj dalokaści (DRSMD) vykliča «samy rozny vynik», zajaviŭ «RIA Novosti» kiraŭnik Minabarony Biełarusi Andrej Raŭkoŭ.
«Ja dumaju, što vychad z hetych pahadnieńniaŭ pryviadzie da… rostu napružanaści ŭ płanie honki ŭzbrajeńniaŭ. Heta asabista majo mierkavańnie. Heta budzie niastrymnaje raźvićcio rakiet siaredniaj i małoj dalokaści, i, naturalna, ničym nie abmiežavanaje pavieličeńnie ich kolkaści. Vynik moža być samy rozny», — skazaŭ Raŭkoŭ.
Raniej prezident ZŠA Donald Tramp paviedamiŭ, što Złučanyja Štaty nie majuć namieru vykonvać Damovu ab rakietach siaredniaj i mienšaj dalokaści, kali Maskva jaje parušaje, i vyjduć z dahavora.