U Śvietłahorsku maci pakinuła dziaciej doma adnych. Zaŭvažyŭšy dziaciej na padakońniku, susiedzi vyklikali MNS
Maci pakinuła doma małaletnich dziaciej i syšła pa spravach. Vidavočcy vyklikali MNS kali ŭbačyli dziaciej, jakija stajać na padakońniku, paviedamlaje «Ranak».
13 kastryčnika, u subotu, śvietłahorskim ratavalnikam patelefanavała ŭschvalavanaja žančyna. Jana raspaviała, što stała vidavočcam taho, jak na padakońniku akna na piatym paviersie znachodziacca dvoje maleńkich dziaciej i adkryta fortačka.
U 10:09 ratavalniki vyjechali na vulicu Šasejnaja. Tam supracoŭniki MNS ubačyli dziaciej, jakija stajać na padakońniku. Jany vyrašyli pastavić pažarnyja drabiny. U hety čas inšy supracoŭnik pryciahvaŭ uvahu dziaciej, znachodziačysia kala ŭvachodnych dźviarej kvatery. Dzieci adkryli dźviery sami.
Doma 4-ch i 2-hadovaje dzicia znachodzilisia sami, maci doma nie było.
Na ščaście baćkoŭ, hetaja historyja skončyłasia dobra, ale možna ŭjavić, što mahło b być, — adznačajuć supracoŭniki Śvietłahorskaha RANS.