Kotka dapamahła anhličancy vyjavić rak
Taja samaja koška, fota Andžeły Cininh u fejsbuku
Žycharka anhlijskaha Leminhtana Andžeła Cininh raspaviała vydańniu Metro, što jaje kotka Misi vyratavała joj žyćcio, piša ria.ru
Žančyna zaŭvažyła, što chatni hadavaniec pačaŭ pavodzić siabie dziŭna — naprykład, lažać u jaje na hrudziach, choć zvyčajna nie lubiła łaščycca. Cininh taksama źviarnuła ŭvahu, što ŭ hetaj vobłaści adčuvaje bol, i vyrašyła pajści ŭ balnicu. Daktary vyjavili pieradrakavyja kletki i praviali apieracyju pa ich vydaleńni.
Ale praz dva hady ŭ Misi znoŭ pamianialisia pavodziny, i žycharka Brytanii vyrašyła pierastrachavacca i prajści dyjahnostyku, choć u jaje ničoha nie baleła.
Pry paŭtornym zvarocie ŭ kliniku ŭ žančyny vyjavili rak. Na hety raz mamołahi paviedamili, što joj spatrebicca mastektamija (vydaleńnie małočnaj załozy), ale razam z tym adznačyli, što situacyja mahła być horšaj.
Anžeła pryznałasia, što vielmi ŭdziačnaja Misi, i naminavała jaje na premiju Hero Cat na National Cat Awards.