Łukašenka 12 kastryčnika voźmie ŭdzieł u Forumie rehijonaŭ Biełarusi i Rasii ŭ Mahilovie. Tudy pryjedzie Pucin
kremlin.ru
Alaksandr Łukašenka 12 kastryčnika prymie ŭdzieł u hałoŭnych mierapryjemstvach V Forumu rehijonaŭ Biełarusi i Rasii, jaki 10-12 kastryčnika projdzie ŭ Mahilovie. Pra heta BIEŁTA paviedamili ŭ pres-słužbie biełaruskaha kiraŭnika.
Płanujecca, što razam z Uładzimiram Pucinym kiraŭnik biełaruskaj dziaržavy vystupić na plenarnym pasiadžeńni forumu, tema jakoha budzie pryśviečana pryjarytetnym kirunkam raźvićcia rehijanalnaha supracoŭnictva jak klučavoha faktaru intehracyi i sajuznaha budaŭnictva. Čakajecca, što plenarnamu pasiadžeńniu budzie papiaredničać asabistaja sustreča lidaraŭ dźviuch krain, padčas jakoj Alaksandr Łukašenka i Uładzimir Pucin abmiarkujuć najbolš aktualnyja pytańni biełaruska-rasijskich adnosin.