Nazvany hałoŭny pretendent na kuplu «Čełsi» ŭ Abramoviča
Poł Alen, flickr.com
Na kuplu futbolnaha kłuba «Čełsi» ŭ miljardera Ramana Abramoviča pretendujuć samy bahaty čałaviek Vialikabrytanii Džym Retklif i adzin z zasnavalnikaŭ Microsoft amierykaniec Poł Alen. Pra heta piša The Sun, nie nazyvajučy krynicy infarmacyi.
Pa dadzienych tabłoida, lidaram u honcy na kuplu «Čełsi» źjaŭlajecca Alen.
Jon užo vałodaje aktyvami ŭ sporcie, heta kłub pa amierykanskim futbole «Sietł Sichoks» i «Portlend Trejł Błejziers» z NBA. Taksama jon vałodaje dolaj ŭ futbolnym kłubie, što vystupaje ŭ amierykanskaj lizie MLS, «Sietł Saŭnders».
Alen užo sustreŭsia z futbolnym ahientam Pinchasam Zachavi, jaki dapamahaŭ Abramoviču pry kupli «Čełsi». Alen i Zachavi abmiarkoŭvali mienavita mahčymaść kupli łondanskaha kłuba, śćviardžaje The Sun. Vydańnie nazyvaje Zachavi blizkim siabram ŭładalnika «Čełsi».