U pałovy minčukoŭ pierastanuć adklučać haračuju vadu ŭnačy
Va UP «Minskkamunciepłasietka» płanujuć da kanca biahučaha hoda admovicca ad načnych adklučeńniaŭ haračaj vady, paviedamlaje «Minsk-Novosti».
Ciapier prykładna z 00:00 da 5:00 ciepłaenierhietyki adklučajuć pompy, jakija zabiaśpiečvajuć transparciroŭku haračaj vady ŭ žyłyja damy. Jak patłumačyli va UP «Minskkamunciepłasietka», heta robicca z metaj racyjanalnaha vykarystańnia resursaŭ i ŭ suviazi ź minimalnym spažyvańniem haračaj vady ŭ načny čas.
— Adklučeńni pompaŭ u načny čas — sacyjalna i ekanamična abhruntavanaja miera, — kaža dyrektar UP «Minskkamunciepłasietka» Uładzimir Alaksandraŭ. — Unačy haračaj vadoj karystajucca 3-4 čałavieki na 10 šmatkvaternych damoŭ, ad ich i nadychodziać skarhi. Ale zabiaśpiečyć hetych ludziej nieabchodnym resursam kropkava, u kožnaj asobnaj kvatery, technična niemahčyma.
Tym nie mienš na pradpryjemstvie źbirajucca naohuł admovicca ad načnych adklučeńniaŭ da kanca hoda.
Ci budzie pryniata anałahičnaje rašeńnie pa astatnich 50% žyllovaha fondu horada, jaki absłuhoŭvaje filijał «Minskija ciepłavyja sietki» RUP «Minskenierha»?
— U najbližejšaj budučyni pakul nie płanujem pieravieści cyrkulacyjna-pavyšalnyja pompy na kruhłasutačny režym raboty, — prainfarmavali ŭ RUP «Minskenierha».