U Hankonhu zabaranili partyju, jakaja vystupaje za niezaležnaść ad Kitaja
Urad Hankonha aficyjna zabaraniŭ palityčnuju partyju, jakaja vystupaje za adździaleńnie horada ad Kitajskaj Narodnaj Respubliki, paviedamlaje CNN.
Fota: Wikimedia Commons.
Ciapier žycharam miehapolisa zabaroniena być siabrami Nacyjanalnaj partyi, jakaja vystupaje za niezaležnaść horada ad macierykovaha Kitaja. Tym, chto budzie ŭdzielničać u dziejnaści arhanizacyi, vystupać ad jaje imia abo zajmacca zboram hrošaj na jaje pracu, budzie pahražać da troch hadoŭ pazbaŭleńnia voli i štraf pamieram da 12 tysiač dalaraŭ.
Pradstaŭnik partyi Endzi Čan kamientaroŭ pakul nie daŭ. U žniŭni jon vystupiŭ z pramovaj u Kłubie zamiežnych žurnalistaŭ. «My byli kałonijaj Brytanii, a potym stali kałonijaj Kitaja, dzie naša prava vybirać ŭłasnuju budučyniu?» — zajaviŭ jon. Jon taksama nahadaŭ pra los inšych rehijonaŭ, u jakich prysutničajuć sieparatysckija nastroi — Tybiet i Ujhuryju.
U 1997 hodzie Hankonh pierajšoŭ ad Vialikabrytanii Kitaju ŭ ramkach pryncypu «adna kraina — dźvie sistemy».