Manserat Kabalje špitalizavali
Wikimedia Commons
Opiernaja śpiavačka Manserat Kabalje špitalizavana ŭ Barsiełonie. Pra heta paviedamlaje La Vanguardia sa spasyłkaj na krynicy. Taksama pra heta raspaviali surazmoŭcy El Periodico i paćvierdzili vydańniu ŭ miedcentry.
Pa dadzienych La Vanguardia, 85-hadovuju śpiavačku špitalizavali ŭ miedycynskuju ŭstanovu piać dzion tamu z-za prablem z žoŭcievym puchirom. Lačeńnie prachodzić paśpiachova, śpiavačku płanujuć vypisać paśla śviata Ła-Mierse, jaki adznačajecca ŭ horadzie z 21 pa 24 vieraśnia.
Manserat Kabalje naradziłasia ŭ 1933 hodzie ŭ Barsiełonie. U 1956 hodzie jana pastupiła ŭ Bazielskuju opieru, paśla čaho vystupała na scenach Miłana, Vieny, Lisabona, Ńju-Jorka i inšych haradoŭ śvietu.
Z-za rezkaha paharšeńnia stanu zdaroŭja ŭ 1992 hodzie śpiavačka syšła sa sceny. Daktary dyjahnastavali ŭ jaje rak. Paśla doŭhaha pierapynku Kabalje viarnułasia na scenu ŭ 2002 hodzie.