Paśla pieratrusu ŭ haradzienskaha aktyvista Anatola Myškieviča kanfiskavali płanšet
U haradzienskaha hramadskaha aktyvista, kiraŭnika hramadskaj inicyjatyvy «Harodnia» Anatola Myškieviča doma 22 vieraśnia adbyŭsia pieratrus. Milicyjanty pryjšli da palityka dachaty, kali jaho nie było doma.
Fota: facebook.com.
— Kali ja pryjechaŭ dadomu, vobšuk užo zakančvaŭsia. Kanfiskavali płanšet. Paniatyja raśpisalisia. Pahladzieŭ pastanaŭleńnie na vobšuk. Kopii mnie nie dali. Nie dali i mahčymaści sfatahrafavać. U pastanaŭleńni było napisana, što pieratrus pravodzicca ŭ suviazi z tym, što 16 vieraśnia u horadzie na Savieckaj vulicy byŭ raźmieščany płakat, na jakim byli zdymki źnikłych biełaruskich palitykaŭ. I što ja razdavaŭ ludziam ulotki, — kaža Myškievič.
Jon nie padpisavaŭ nijakich papieraŭ i budzie čakać rašeńnia suda:
— Davać pakazańni ja admoviŭsia. Budu čakać rašeńnia suda.