Łukašenka — Šejmanu: Katajsia ty sam na «Cielachanach» — heta dubovyja łyžy
Kiraŭnik dziaržavy Alaksandr Łukašenka 18 vieraśnia aznajomiŭsia z vyrablenymi ŭ krainie vidami zimovaj techniki, spartyŭnaha invientara i muzyčnych instrumientaŭ.
Cikavaja razmova ŭ Łukašenki adbyłasia z kiraŭnikom spravami prezidenta Viktaram Šejmanam la stenda z łyžami «Cielachany», heta možna pabačyć na videa telekanała ANT.
«Heta ty katajsia sam na ich, — skazaŭ Łukašenka Šejmanu. — Kali niechta ich paprosić u ciabie — rabicie. Ale zamaŭlać hetyja łyžy ŭ ciabie siłaj my nie budziem. Heta ŭžo dubovyja łyžy, syšli hetyja łyžy ŭžo. Nu tak, dla piensijaniera — moža być».
Paśla Łukašenka, pakazvajučy na słavutuju ŭ minułym biełaruska-ŭkrainskuju bijatłanistku Alenu Zubryłavu, znoŭ źviarnuŭsia da Šejmana: «Jana maje racyju, tamu što ty na łyžach nie chodziš, a jak padrychtavać ich, jak apracavać?»
«Na nastupny hod my aryjentavacca nie budziem, kali pa pieršym śniezie vyprabujem. Dastatkova ž sta mietraŭ śniehu, kab vyprabavać. Vy pavinny budziecie za listapad-śniežań zrabić stolki łyžaŭ, kolki ŭ vas zakažuć», — skazaŭ Łukašenka.
«Zrazumieŭ», — adkazaŭ Šejman.