U Minsku DAI sa stralaninaj haniałasia za Audi z rasijskimi numarami VIDEA
U Minsku niekalki ekipažaŭ DAI sa stralaninaj pieraśledavali Audi, paviedamlaje Auto.tut.by.
Incydent adbyŭsia 18 vieraśnia, kala 15.20. Vidavočcy paviedamlajuć, što ŭ pahoni ŭdzielničali minimum šeść ekipažaŭ DAI. «Kala «Karony» aŭtamabil praktyčna ŭdałosia zabłakavać, adnak kiroŭca lehkavika zdoleŭ pa hazonach i tratuarach vyjechać z «pastki». Inśpiektar DAI, niahledziačy na toje, što pobač znachodzilisia ludzi, pačaŭ stralać pa kołach», — raspavioŭ Uładzimir.
Čytačy paviedamlajuć, što kiroŭca Audi praciahnuŭ ruch u napramku vulicy Prytyckaha i na vulicy Žudro ździejśniŭ DTZ. Mužčynu zatrymali. Taksama źjavilisia źviestki, što pahonia za hetaj Audi pačałasia jašče ŭ Zasłaŭi. Hetaja infarmacyja praviarajecca.
Videa: Tut.by.