Jakija prablemy buduć abmiarkoŭvacca padčas mižnarodnaj vystavy «Turbiznes-2018» u Minsku
Novaj i važnaj kropkaj adliku dla turystyčnaj śfiery Biełarusi ŭ kancy vieraśnia stanie 25-ja mižnarodnaja vystava «Turbiznes-2018», jakaja projdzie ŭ Minsku. U vačach amataraŭ padarožžaŭ i biznes-partnioraŭ udzieł u joj de-fakta budzie aznačać nie tolki imknieńnie akreślić aktualnyja prapanovy na bližejšyja paŭhoda, ale i hatoŭnaść dać adekvatny adkaz na źmienlivuju situacyju na rynku. Źmienlivuju, na žal, nie tolki ŭ lepšy bok.
Fota wikimedia.org.
U projhryšy apynucca ŭ pieršuju čarhu tyja, chto vyrašyć zekanomić na ŭdziele ŭ tradycyjnym vosieńskim tematyčnym forumie pad padstavaj mižsiezońnia ci najaŭnaści pastajannych klijentaŭ. Čamu? Davajcie raźbiracca.
Sioletni turystyčny siezon vydaŭsia, miakka kažučy, nieadnaznačnym. Z adnaho boku, kryzis cikaŭnaści da vandrovak, što naziraŭsia niekalki hadoŭ tamu, nibyta minuŭ, i biełarusy znoŭ pavoli paciahnulisia pa novyja ŭražańni na blizkija i dalokija adlehłaści. Ź inšaha boku, u niekatorych turfirm staŭ zaŭvažny adtok klijentaŭ — tyja vyrašyli padarožničać samastojna.
Nie abyšłosia ŭ hetym siezonie i biez skandałaŭ, pryčym jany simptamatyčnyja. Uspomnim, jak u lipieni biełaruskija turysty nie mahli vylecieć z Kijeva na adpačynak praz prablemy biudžetnych avijakampanij BravoAirways i AndaAir, a papularny ŭ Biełarusi najbujniejšy rasijski turapieratar «Natali Turs» zajaviŭ pra anulavańnie puciovak. Jość prablemy i čysta biełaruskija: adna ź firmaŭ hetym letam prainfarmavała pra admienu turaŭ u Jehipiet.
Hetyja fakty nie mahli nie adbicca na daviery turystaŭ da turahienctvaŭ. Ludzi ŭ razhublenaści, jany nie viedajuć, kamu možna vieryć. Abmierkavać hetuju situacyju zacikaŭlenyja baki zmohuć pa-za ofisami na śpiecyjalizavanaj vystavie «Turbiznes». Heta najlepšaja mahčymaść źniać napružanaść, zrazumieć, što adbyvajecca, supakoić niedavierlivych i abzavieścisia novymi klijentami.
Vyhadny ŭdzieł u vieraśnioŭskaj vystavie i tym, chto śpiecyjalizujecca na ŭjaznym turyźmie. Nahadajem, što 24 lipienia byŭ padpisany ŭkaz ab pavieličeńni terminu biaźvizavaha znachodžańnia ŭ Biełarusi zamiežnych hramadzian, jakija prybyvajuć praz Nacyjanalny aeraport «Minsk», z 5 da 30 dzion. Adrazu paśla hetaha Ministerstva sportu i turyzmu ahučyła prahnoz: patok turystaŭ u našu krainu značna pavialičycca. Pry hetym adkryvajucca dobryja pierśpiektyvy dla dalejšaha raźvićcia azdaraŭlenčaha i miedycynskaha turyzmu.
Kali, jak nie ciapier, zacikaŭlenym arhanizacyjam zajavić pra svaje mahčymaści pa pryjomie zamiežnikaŭ i zaniać, tak by mović, svaju nišu ŭ hetym siehmiencie rynku? Adkładvańnie na potym moža paśla vylicca ŭ źnižeńnie popytu: za miažoj mienavita ciapier čakajuć cikavych prapanoŭ ad biełaruskaha boku. Heta tym bolš aktualna napiaredadni II Jeŭrapiejskich hulniaŭ, jakija projduć u Minsku ŭ 2019 hodzie.
Jašče adno važnaje pytańnie, jakoje treba budzie abmierkavać padčas vieraśnioŭskaha tematyčnaha forumu, — budučyja źmieny ŭ Zakonie «Ab turyźmie». Miarkujecca, što papraŭki prymuć užo ŭ nastupnym hodzie. U dziełavoj prahramie «Turbiznes-2018», jakaja pakul farmirujecca, hetaja tema abaviazkova znojdzie svajo adlustravańnie — jašče adzin arhumient dla ŭdziełu ŭ vystavie, što maje adbycca.
Jubilejnuju, 25-ju pa liku vystavu «Turbiznes-2018» pravodzić Nacyjanalny vystavačny centr «BIEŁEKSPA» Kiraŭnictva spravami prezidenta Respubliki Biełaruś sumiesna ź Ministerstvam sportu i turyzmu. Jaje tematyka tradycyjnaja: ujazny-vyjazny turyzm, dziejnaść turapierataraŭ i turahientaŭ, spartyŭny i pryhodnicki, rekreacyjny, miedycynski, siamiejny i dziciačy, palaŭničy turyzm, transpartnyja kampanii, abstalavańnie turystyčnych ahienctvaŭ i haścinic, spartyŭny i turystyčny ryštunak i abstalavańnie, spartyŭnaje i turystyčnaje adzieńnie, padrychtoŭka turystyčnych kadraŭ, strachavańnie i biaśpieka, kartahrafičnaja i suvienirnaja pradukcyja.
Za 24 hady historyi hetaha forumu źjavilisia pastajannyja ŭdzielniki, jakija pradstaŭlajuć najbujniejšyja turystyčnyja firmy Biełarusi i zamiežža. Nahadajem: u 2017 hodzie ŭ vystavie ŭziali ŭdzieł 100 ekspanientaŭ z 15 krain śvietu. Udzielniki «Turbiznesu» tradycyjna atrymlivajuć šyrokija mahčymaści dla rekłamy svajoj dziejnaści, novych maršrutaŭ, turaŭ, a taksama sustrakajucca z tradycyjnymi partniorami i naładžvajuć novyja dziełavyja kantakty.
25-ja Mižnarodnaja turystyčnaja vystava «Turbiznes-2018» projdzie z 26 pa 28 vieraśnia pa adrasie: Minsk, pr-t Pieramožcaŭ, 14.
Kantakty arhanizataraŭ:
Teł.: (+375 17) 334-11-92, (+375 29) 887-95-73
E-mail: tourfair@belexpo.by
Sajt: belexpo.by