Ad vieraśnia padvyšajuć zarobki nastaŭnikam i miedykam — na 20%, farmaceŭtam — da 100%
Adpaviednaja pastanova Savieta Ministraŭ №632 ad 31 žniŭnia 2018 hoda apublikavana na Nacyjanalnym pravavym internet-partale, paviedamlaje BIEŁTA.
Fota Voli Aficeravaj.
Ad 1 vieraśnia padvyšajecca zarobak asobnych katehoryj rabotnikaŭ achovy zdaroŭja i adukacyi za košt padvyšeńnia taryfnych stavak, akładaŭ i dapłat.
Tak, dla piedahahičnych rabotnikaŭ (u tym liku pradstaŭnikoŭ prafiesarska-vykładčyckaha składu) i pamočnikaŭ vychavalnikaŭ dziciačych daškolnych ustanoŭ praduhledžana pavyšeńnie taryfnych stavak na 20%.
Dapłaty lekaraŭ i miedycynskich siaścior pavysiać na 20% i 13% adpaviedna.
Pavyšeńnie akładaŭ pravizaraŭ, farmaceŭtaŭ, fizikaŭ, chimikaŭ, bijołahaŭ składzie ad 40% da 100%.
Akramia taho, praduhledžvajecca pavyšeńnie z 1 kastryčnika 2018 hoda taryfnaj staŭki pieršaha razradu z Br34 da Br35,5 rabotnikam biudžetnaj śfiery ŭ cełym.
Pavodle słoŭ pieršaha namieśnika ministra pracy i sacyjalnaj abarony Andreja Łaboviča, hetyja miery daduć mahčymaść zabiaśpiečyć suadnosiny zarobkaŭ rabotnikaŭ biudžetnaj śfiery da siaredniaha pa krainie na ŭzroŭni 80%.