Prezident Estonii pierajechała na pracu ŭ Narvu
Foto: Jaanus Lensment
Hetaj vosieńniu prezident Estonii Kierści Kaljułajd budzie pracavać u Narvie try tydni. Jaje pieršy pracoŭny tydzień pačaŭsia siońnia, i hetym razam prezident prapracuje ŭ Narvie dziesiać dzion, piša Postimees.
Prezident budzie načavać u haściavym domie Elektra i pracavać u pamiaškańniach narvskaha kaledža Tartuskaha univiersiteta, dzie joj vydzieleny adzin pakoj dla naradaŭ i para kabinietaŭ.
Z rabotnikaŭ razam z prezidentam pajeduć čynoŭniki ŭ adpaviednaści z patrebami i rasparadkam dnia. U dzień u Narvie budzie dziasiatak rabotnikaŭ prezidenckaj kancylaryi — daradcy, dyrektar kancylaryi, aficery dla daručeńniaŭ.
U śniežni 2017 hoda Kaljułajd paviedamiła, što płanuje miesiac pracavać u ruskamoŭnaj Narvie, kab pakazać, što estonskaja abščyna, estonskaje hramadstva prysutničaje ŭ Narvie, šanuje Narvu».
Kaljułajd dadała, što z Narvaj jaje źviazvajuć šmatlikija pazityŭnyja ŭspaminy.