Što pakaža «Dynama» paśla «Zienita»? Pačynajecca vasiamnaccaty tur čempijanatu Biełarusi pa futbole
Razam z Bukmiekierskaj kantoraj Marafon raskažam, što cikavaha moža adbycca ŭ pieršym paśla vialikaha pierapynku tury čempijanatu Biełarusi pa futbole.
Jak zaŭsiody, letam čempijanat Biełarusi syšoŭ u miesiačny adpačynak. Najpierš heta źviazana z matčami jeŭrakubkaŭ. Biełaruskija kamandy ich praviali vielmi pa-roznamu.
Salihorski «Šachcior» paśla prachodžańnia kłuba z Uelsa syšoŭsia z polskim «Lecham». Zaŭsiody cikava paraŭnoŭvać siabie z susiedziami. Abodva matčy ŭ asnoŭny čas skončylisia ź likam 1:1, ale ŭ dadatkovy «Lech» byŭ macniejšym. Praŭda, dapamoh i sudździa, jaki vydaliŭ až troch hulcoŭ salihorcaŭ.
Vialikija spadziavańni siońnia na hulniu minskaha «Dynama». Zaŭziatary pavinny čakać prachod kamandy ŭ nastupny raŭnd paśla pieramohi nad «Zienitam» 4:0.
A voś «Dynama» bresckaje, naadvarot, rasčaravała bujnoj parazaj ad kiprskaha «Apałona». Barysaŭski BATE vykanaŭ zadaču vychadu ŭ jeŭrakubkavuju vosień. Čempijon Biełarusi pa sumie dźviuch hulniaŭ byŭ macniejšym za azierbajdžanski «Karabach». I ciapier čakaje supraćstajańnia z hałandskim PSV.
Admietna, što bresckaje «Dynama» i BATE jakraz i musili sustrecca pamiž saboj u hetym tury, ale damovilisia pieranieści sustreču na 31 kastryčnika. Tamu tur atrymajecca krychu skaročanym — usiaho 7 hulniaŭ.
«Dniapro» — «Nioman»
- 17.08 / 19:00. Mahiloŭ, stadyjon «Spartak»
- Kaeficyjenty: «Dniapro» (pieramoha) — 3,26; ničyja — 3,25; «Nioman» (pieramoha) — 2,22
Fota vk.com.
«Dniapro» na samym dnie turnirnaj tablicy. Nižej za mahiloŭski kłub niama nikoha. U paŭzu kamandu ŭznačaliŭ ukrainski śpiecyjalist Siarhiej Litoŭčanka, jaki da hetaha treniravaŭ kijeŭski «Arsienał». Śpiecyjalist pryvioŭ z saboj troch ukraincaŭ, ale niejak vyhladaje hetaje papaŭnieńnie nie duža ŭnušalna.
U «Niomana» až čatyry parazy zapar. Kamandzie vielmi nieabchodny pazityŭny zarad, kab praciahnuć zmahańnie za vysokija miescy. Hrodziency pradali ŭ BATE svajho francuzskaha lehijaniera Ervina Mukama i navat zarabili na hetym tranśfiery kryšačku hrošaj. U «Nioman» ža ŭ arendu pryjšoŭ Hleb Rasadkin, viadomy vystupami za minskaje «Dynama».
Prahnoz «NN»: pieramoha «Niomana».
«Minsk» — «Smalavičy»
- 18.08 / 16:45. Stadyjon FK «Minsk»
- Kaeficyjenty: «Minsk» (pieramoha) — 2,15; ničyja — 3,0; «Smalavičy» (pieramoha) — 3,76
«Minsk» ničoha nie zmoh zrabić z dublujučym składam ziemlakoŭ z «Dynama», sastupiŭšy ŭ kubku ź likam 0:2. I heta nie adzinaja sastupka, jakuju haradžanie zrabili dynamaŭcam, u kłub Juryja Čyža pierajšoŭ pierśpiektyŭny forvard Dźmitryj Ancileŭski.
«Smalavičy» najpierš zapomnilisia za apošni miesiac jarkimi vykazvańniami svajho pres-sakratara Alaksieja Kazyry, jaki abkłaŭ matam zaŭziataraŭ, kali tyja pacikavilisia, jak budujecca stadyjon. Cikava, što nichto takoha supracoŭnika z pracy nie vyhnaŭ. Ź inšych navin: «Smalavičy» atrymali balučuju aplavuchu ŭ kubkavym matčy suprać homielskaha «Łakamatyva» — 0:3.
Prahnoz «NN»: pieramoha «Minska».
«Tarpieda-BiełAZ» — «Isłač»
- 18.08 / 18:45. Žodzina, stadyjon «Tarpieda»
- Kaeficyjenty: «Tarpieda-BiełAZ» (pieramoha) — 1,571; ničyja — 3,48; «Isłač» — 7,1
Fota vk.com.
Žodzincam taksama nie pašancavała ŭ kubkavaj hulni. Jany tolki pa sieryi pienalci sastupili «Viciebsku». Nastaŭnik «Tarpieda» Aleh Kubaraŭ skazaŭ, što admysłova pienalci nie treniravali. A mo i varta było? Dobraja navina dla Žodzina zaklučajecca ŭ tym, što narešcie zalačyŭ traŭmu ich paŭbaronca Andreja Chačaturan, jaki nie hulaŭ ad pačatku čempijanatu.
A voś u «Isłačy» jakraz spravy iduć uhoru. Kamanda prajšła ŭ 1/4 kubka paśla haściavoj pieramohi nad «Homielem» 2:0. Trenier «vaŭkoŭ» Vital Žukoŭski skazaŭ, što apošnija vyniki nastrojvać na pazityŭny ład. Z «Isłačy» syšoŭ lehiendarny napadajučy Hienadź Bliźniuk, vieteran bolš nie ciahnie ŭzrovień vyšejšaj lihi.
Prahnoz «NN»: «Isłač» nie sastupić.
«Viciebsk» — «Pramień»
- 19.08 / 14:00. Stadyjon «Viciebsk»
- Kaeficyjenty: «Viciebsk» (pieramoha) — 1,34; ničyja — 4,65; «Pramień» (pieramoha) — 9,8
«Viciebsk» usio jašče znachodzicca na trecim radku ŭ tablicy. Nastaŭnik kamandy Siarhiej Jasinski kaža, što kłub nie buduje płanaŭ zastacca ŭ miedalach, ale ž my viedajem, što spadziajecca. U kamandu pierajšoŭ ukrainski lehijanier-vieteran Arciom Starharodski, jaki pavinien zamianić brazilca Ledesmu. Arcioma ŭ Biełarusi dobra pamiatajuć pa hulniach u «Šachciory».
«Pramień» jašče adna kamanda, jakaja znachodzicca ŭ zonie vyletu. Kali «Dniapro» choć niejak pasprabavaŭ umacavacca, to minčuki nie zrabili i hetaha. Mabyć, dumajuć, što supierniki buduć jašče słabiejšymi. A moža, «Pramianiu» i nie treba vyšejšaja liha, usio ž u pieršaj jany chadzili karalami, a tut šeryja i niezaŭvažnyja.
Prahnoz «NN»: pieramoha «Viciebska», bolšaja za adzin hoł.
«Słuck» — «Šachcior»
- 19.08 / 16:00. Słuck, stadyjon «Haradski»
- Kaeficyjenty: «Słuck» (pieramoha) — 3,25; ničyja — 3; «Šachcior» — 2,36
Fota «Słucki kraj».
Mabyć, u adsutnaść hulni Bresta i BATE hetaja sustreča nabyvaje status centralnaj. Najlepšy bambardzir «Słucka» Jaŭhien Šykaŭka zastaŭsia ŭ kamandzie. Na jaho vychodzili kłuby z Azierbajdžana i Hrecyi, ale damovicca ŭ canie sa «Słuckam» nie atrymałasia. Biełarusy chacieli 250 tysiač jeŭra, a hreki prapanoŭvali tolki 80.
«Šachcior» jašče nie pravodziŭ hulniaŭ paśla niaŭdačy ŭ Lizie Jeŭropy z polskim «Lecham». U kamandu pryjšli biełaruski abaronca Sačyŭka i małdaŭski forvard Nikałaesku. Bolš jakasna ŭmacavacca dziela baraćby za miedali ŭ salihorcaŭ nie atrymałasia.
Prahnoz «NN»: ničyja.
«Dynama» (Minsk) — «Haradzieja»
- 19.08 / 18:00. Stadyjon «Dynama»
- Kaeficyjenty: «Dynama» (pieramoha) — 1,37; ničyja — 4,45; «Haradzieja» (pieramoha) — 9,1
Pra bliskučuju pieramohu «Dynama» nad «Zienitam» užo havorana-pierahavorana. Ciapier asnoŭnaje — nie dapuścić minimalnaj rassłablenaści ŭ Sankt-Pieciarburhu. Pieramoha stała mahčymaj u tym liku dziakujučy viartańniu dadomu apornika Mikity Korzuna, jaki stamiŭsia biez hulni na łaŭcy zapasnych «Dynama» z Kijeva.
Umacavacca ŭ tranśfiernaje akno «Haradziei» nie atrymałasia. Heta značyć, što baraćba za vyžyvańnie cukrovy kłub jašče čakaje ŭ poŭnym abjomie.
Prahnoz «NN»: pieramoha «Dynama» z roźnicaj, bolšaj za adzin hoł.
«Tarpieda» — «Homiel»
- 20.08 / 18:30. Minsk, stadyjon «Traktar»
- Kaeficyjenty: «Tarpieda» (pieramoha) — 2,82; ničyja — 2,81; «Homiel» (pieramoha) — 2,83
Futbalisty «Tarpieda» z namieśnikam staršyni Partyi BNF Alaksiejem Janukievičam. Fota vk.com.
Aŭtazavodcy sastupili ŭ kubku doma «Słucku» 0:2. Admietna, što na hulni hučali pieśni «Niejra Dziubiel» u pamiać pra Alaksandra Kulinkoviča. Kamandu pakinuŭ jaje najlepšy bambardzir Vadzim Dziemidovič, jaki pierabraŭsia ŭ «Dniapro». Ciapier nadziei na Paŭła Klańnio.
«Homiel» taksama niaŭdačna zhulaŭ u kubku. Matč z «Tarpieda» dla «bieła-zialonych» — heta pačatak baraćby za vyžyvańnie. I takija matčy asabliva važnyja.
Prahnoz «NN»: totał mienšy za 1,5.
Viartajciesia da prahladu! Kab było jašče cikaviej sačyć za futbołam, zrabi staŭku ŭ Bukmiekierskaj kantory Marafon!