Erdahan abvinavaciŭ ZŠA ŭ namiery nanieści Turcyi ŭdar «u śpinu»
Prezident Turcyi Redžep Taip Erdahan zajaviŭ u paniadziełak pra namiery ZŠA nanieści Ankary ŭdar «u śpinu». Pra heta jon skazaŭ u paniadziełak padčas vystupu ŭ Ankary.
«Z adnaho boku, vy [ZŠA] razam z nami ŭvachodzicie ŭ NATA, ź inšaha — vy sprabujecie nanieści vašamu stratehičnamu partnioru ŭdar u śpinu. Chiba heta dapuščalna?» — zajaviŭ jon. Turecki lidar dadaŭ, što «niama nijakaha razumnaha abhruntavańnia dla takoha varožaha staŭleńnia da Turcyi z boku jaje chaŭruśnika pa NATA».
Jon dadaŭ, što «sakret pośpiechu dziaržavy ŭ pastajannaj hatoŭnaści da vajny», i Turcyja «va ŭsich adnosinach hatovaja da vajny».