Eks-dyrektar sielhaspradpryjemstva ŭ Rasonskim rajonie za pracaŭładkavańnie patrabavaŭ pradukty i śpirtnoje, a atrymaŭ 4 hady kałonii
Byłoha dyrektara sielhaspradpryjemstva ŭ Rasonskim rajonie prysudzili da 4 hadoŭ pazbaŭleńnia voli za chabar, paviedamlaje sajt Viarchoŭnaha suda.
Abvinavačany ŭ mai 2018 hoda zapatrabavaŭ ad žančyny chabar za dapamohu ŭ pracaŭładkavańni ŭ arhanizacyju, jakuju jon uznačalvaŭ. Adździačyć jana pavinna była śpirtnymi napojami i praduktami. Paśla razmovy žančyna źviarnułasia ŭ miascovaje AUS z zajavaj.
Praź niekalki dzion 56-hadovy dyrektar pryniaŭ ad jaje «padarunak» na 45 rubloŭ, paśla čaho jaho zatrymali z dokazami złačynstva ŭ pracoŭnym kabiniecie.
Sud Rasonskaha rajona pryznaŭ abvinavačanaha vinavatym u atrymańni chabaru šlacham vymahańnia. Jamu pryznačyli pakarańnie ŭ vyhladzie čatyroch hadoŭ pazbaŭleńnia voli z adbyvańniem pakarańnia ŭ papraŭčaj kałonii va ŭmovach ŭzmocnienaha režymu z kanfiskacyjaj usioj majomaści, a taksama z pazbaŭleńniem prava zajmać peŭnyja pasady na čatyry hady.