Pop-śpiavačka Ryta Dakota razvodzicca: muž spaŭ z usimi zapar
Idealnaja karcinka adnosin adnoj z samych papularnych par teleprajekta «Fabryka zorak» akazałasia pšykam. Ryta Dakota paviedamiła ŭ svaich sacsietkach, što jana razvodzicca z Uładam Sakałoŭskim. Pryčyna — pastajannyja zdrady muža.
«Uład zdradžvaŭ mnie na praciahu ŭsich našych adnosin, zdradžvaŭ, kali my žanilisia i brali šlub, zdradžvaŭ, kali ja była ciažarnaja,
zdradžvaŭ ź pieršych dzion žyćcia Mii, zdradžvaŭ da taho momantu, kali ja daviedałasia pra heta.
Heta byli dziasiatki «dziaŭčat», mnohich ź ich ja viedaju asabista, mnohija ź ich byli maimi «siabroŭkami». Praktyčna ŭsie našy ahulnyja siabry, jakija sustrakali mianie z radzilni, viedali pra heta i pakryvali jaho, u mnohich ź ich jaho zdrady adbyvalisia doma, ź ich zhody. Viedali i niekatoryja členy jaho siamji, uklučna z baćkam. Ja razumieju, što heta hučyć jak scenaryj filma žachaŭ, heta hučyć nievierahodna, i ja nikoli b nie pavieryła ŭ heta sama, kali b nie było ŭ mianie žaleznych dokazaŭ, ale, na žal, heta horkaja i strašnaja praŭda. Moj śviet nikoli nie budzie raniejšym, adnak mnie daviadziecca pieražyć heta dziela dački», — Ryta paviedamiła pra navinu ŭ svaim instahramie, paprasiŭšy žurnalistaŭ nie prasić dadatkovych kamientaroŭ pa temie.
Ciapier u pary pavinien adbycca razvod i padzieł majomaści.
Ryta i Uład paznajomilisia jašče na «Fabrycy zorak». U 2015 hodzie aformili adnosiny aficyjna, a ŭ kastryčniku minułaha hoda stali baćkami Mii. Sam Uład pakul nijak nie prakamientavaŭ siamiejny skandał, ale adklučyŭ mahčymaść kamientavać jaho pasty ŭ sacsietkach.
Dakota pachodzić ź Minska. Jana viadomaja mnohim jak vypusknica «Fabryki zorak» i vakalistka rok-hurta «Monroe». Ciapier jana papularnaja solnaja śpiavačka i kampazitar, jaki piša pieśni dla biełaruskich, ukrainskich i ruskich artystaŭ. Tak, nie tak daŭno Ryta stvaryła konkursny trek dla pradstaŭnicy Biełarusi na dziciačym Jeŭrabačańni-2017 Chieleny Mieraai. Niekatoryja svaje treki jana śpiavała pa-biełarusku.