Blizkija zatrymanych žurnalistaŭ Tut.by i BiełaPAN pieradali pasyłki na Akreścina FOTY
Svajaki i blizkija zatrymanych žurnalistaŭ Tut.by i BiełaPAN 8 žniŭnia zmahli pieradać pasyłki ź nieabchodnymi rečami ŭ IČU na Akreścina. Supracoŭniki ŭstanovy nie pryniali dla pieradačy miasnyja vyraby, cyharety, a taksama listy ad blizkich, paviedamlaje Tut.by.
Siarod zatrymanych apynulisia redaktary i žurnalist Tut.by — Maryna Zołatava, Hanna Kałtyhina, Halina Ułasik i Hanna Jermačonak, a taksama palityčny ahladalnik BiełaPAN Taćciana Karaviankova. U Zołatavaj i Kałtyhinaj — niepaŭnaletnija dzieci.