Mužčyna tajemna aformiŭ anłajn-kredyt na svaju znajomuju
21-hadovy chłopiec tajemna aformiŭ na svaju znajomuju anłajn-kredyt, paviedamlaje BiełTA.
Małady čałaviek prapanavaŭ dziaŭčynie zarabić 500 rubloŭ. Dla hetaha joj nieabchodna było dać infarmacyju ab svajoj bankaŭskaj karcie dla zaličeńnia na jaje 3 tysiač rubloŭ, jakija nibyta zarabiŭ chłopiec — kab jon moh ich źniać. Paźniej machlar niezaŭvažna ad dziaŭčyny ŭ jaje mabilnym telefonie abraŭ układku banka, klijentam jakoha jana źjaŭlajecca, i na jaje imia aformiŭ anłajn-kredyt na sumu 3,5 tysiačy rubloŭ.
Paciarpiełaja źviarnułasia ŭ milicyju paśla taho, jak supracoŭniki banka nahadali joj pra nieabchodnaść pahašeńnia kredytu.
Mužčynu pahražaje da piaci hadoŭ pazbaŭleńnia voli.