Rasijski śviatar zabiŭ žonku, jakaja chacieła raźvieścisia
U Maskoŭskaj vobłaści ijerej zabiŭ žonku, jakaja źbirałasia ź im raźvieścisia. Mužčyna vyviez jaje ŭ les prykładna za 100 kiłamietraŭ ad ich doma, i nanios 7 nažavych ranieńniaŭ. Paśla hetaha jon schavaŭ Hańnin trup i źjechaŭ.
Fota: Mash.
Pierad zabojstvam dziaŭčyna adpraviła paviedamleńnie maci, u jakim napisała pra dziŭnyja pavodziny muža: «Jon mianie kudyści viazie».
Śviatar pryznaŭsia ŭ złačynstvie na pieršym dopycie, choć padčas pieršaj sustrečy z pravaachoŭnikami zajaŭlaŭ, što nie viedaje, dzie znachodzicca žonka.
Pravaachoŭniki vyśvietlili, što adnosiny pamiž mužam i žonkaj razładzilisia dva hady tamu. U apošnija miesiacy žonka nastojliva prapanoŭvała aformić razvod, ale 30-hadovy ijerej zhody nie davaŭ, bo nie chacieŭ prablem z karjeraj śviatara.