Śpiektakl pra Janku Kupału ŭ Muzyčnym teatry źmienić nazvu paśla krytyki hledačoŭ
Na repietycyi sb.by
Biełaruski dziaržaŭny akademičny muzyčny teatr abjaviŭ konkurs na novuju nazvu śpiektakla pra Janku Kupału, paviedamili BIEŁTA ŭ teatry.
Hledačam prapanujecca vykazać svajo mierkavańnie i prapanavać viersiju nazvy premjernaha śpiektakla pra Janku Kupału. Ciapierašniaja nazva «Žyćcio i śmierć Janki Kupały» vyklikała vialikija sprečki siarod hledačoŭ.
Dla ŭdziełu ŭ konkursie nieabchodna paśla prahladu śpiektakla napisać na bilecie svaju viersiju nazvy, imia, proźvišča i numar telefona. Bilet treba pakinuć u administrataraŭ teatra abo dasłać list na adras elektronnaj pošty belmustheatre@gmail.com (abaviazkova prymacavaŭšy da lista fatahrafiju bileta, jaki paćviardžaje fakt prahladu śpiektakla, a taksama imia i proźvišča i numar telefona). Konkurs praciahniecca da 20 śniežnia.
Mastackaja rada abiare 10 varyjantaŭ, paśla budzie arhanizavana hałasavańnie hledačoŭ na sajcie i staronkach teatra ŭ sacyjalnych sietkach.
Pieramožca konkursu zmoža biaspłatna naviedać piać śpiektaklaŭ muzyčnaha teatra na vybar da kanca 49-ha teatralnaha siezona.