Facebook vydalaje karciny Brejhiela i Rubiensa, bo jany parušajuć praviły sacyjalnaj sietki
Pradstaŭniki fłamandskaha savieta pa turyźmie šakavanyja cenzuraj u fejsbuku. Sacyjalnaja sietka vydalaje karciny znakamitych mastakoŭ Rubiensa, van Ejka i Brejhiela z-z taho, što na karcinach namalavany aholenyja cieły, paviedamlaje fłamandskaje telebačańnie.
Praź dziŭnyja abmiežavańni bielhijskija čynoŭniki nie mohuć rekłamavać art-vystavy i inšyja padziei, pryśviečanyja vyjaŭlenčamu mastactvu.
Pradstaŭniki miascovaha savieta pa turyźmie napisali aficyjny list zasnavalniku fejsbuka Marku Cukierbierhu z prośbaj pierahledzieć hetyja praviły.