Izrail evakujavaŭ ź Siryi 800 «biełych šlemaŭ»
Kala 800 udzielnikaŭ siryjskaj niezaležnaj inicyjatyvy hramadzianskaj abarony «Biełyja šlemy» praź Izrail vyjechali ŭ Iardaniju.
«Biełyja šlemy» dziejničajuć na terytoryjach, niepadkantrolnych Asadu. Evakuacyja adbyłasia paśla taho, jak siryjskija ŭradavyja vojski pry dapamozie rasijskaha ekśpiedycyjnaha korpusa zachapili apazicyjny ankłaŭ na paŭdniovym zachadzie krainy ŭ rajonie horada Der'a.
Iardanskaje infarmacyjnaje ahienctva paviedamiła, što siryjcy prybyli ŭ Iardaniju časova. Ich pahadzilisia pryniać Brytanija, Niamieččyna i Kanada. Pierasialeńnie adbudziecca ciaham troch miesiacaŭ.