Łukašenka: U pastaŭku sankcyjonki ŭciahnutyja bujnyja rasijskija firmy i działki ź ciažkimi pahonami. Ja pra heta Pucinu časta kažu
Alaksandr Łukašenka siońnia na sustrečy sa staršynioj Dziaržaŭnaha mytnaha kamiteta Juryjem Siańko zakranuŭ temu procidziejańnia ŭvozu sankcyjnaj pradukcyi na terytoryju Rasii, piša BiełTA.
«Hałaŭny bol dla nas. Robim šalonuju pracu ŭ intaresach Rasii. A jak tut mytniki kažuć i inšyja, tam ža idzie bojka pastajanna, — niechta zamaŭlaje niejkija materyjały (u ŚMI). Jany pačynajuć nam vystaŭlać pretenzii. Zamiest padziaki pačynajuć časam kivać na nas, što my tut drenna pracujem z sankcyjnymi tavarami», - adznačyŭ biełaruski kiraŭnik.
Fota kremlin.ru
«Ci vyrašana heta pytańnie? I kali heta nie tak, nam treba śmialej pra heta kazać. Bo, pa infarmacyi śpiecsłužbaŭ, zapraŭlajuć ŭsimi niehatyŭnymi pracesami, źviazanymi z «sankcyjonkaj» i inšymi pytańniami, firmy i kampanii Rasijskaj Fiederacyi, časam bujnyja, za jakimi stajać bujnyja działki ź ciažkimi pahonami. Heta taksama treba kazać, nie saromiecca. Nie mytnikam rasijskim kazać, a infarmavać urad i prezidenta Rasijskaj Fiederacyi, kab jany tam raźbiralisia sa svaimi. Ja Pucinu časta pra heta kažu. Ale fakty treba vykładać», - skazaŭ kiraŭnik dziaržavy.