Źjavilisia pieršyja fotazdymki z chreśbinaŭ prynca Łui
Brytanskaja karaleŭskaja siamja apublikavała aficyjnyja fotazdymki z chryščeńnia prynca Łui, treciaha dziciaci hiercaha i hiercahini Kiembrydžskich, jakoje adbyłosia 9 lipienia ŭ Łondanie ŭ karaleŭskaj kaplicy Sent-Džejmskaha pałaca.
Aŭtar usich zdymkaŭ, zroblenych adrazu paśla chryščeńnia, — viadomy fatohraf Met Chalioŭk.
«Była vielmi niazmušanaja abstanoŭka, usie byli ŭ vydatnym nastroi, pracavać było adno zadavalnieńnie», — skazaŭ Chalioŭk.
Fotazdymki byli zroblenyja ŭ ranišnim pakoi i ŭ sadzie Kłarens-chaus — aficyjnaj rezidencyi karaleŭskaj siamji.
Na chryščeńni siamja hiercaha i hiercahini Kiembrydžskich ŭpieršyniu paŭstała ŭ poŭnym składzie — z tryma dziećmi.
Łui dramaŭ, kali jaho prynieśli ŭ kaplicu dla cyrymonii, jakaja doŭžyłasia 40 chvilin.
Hiercahinia, jak paviedamlajecca, skazała, što Łui pavodziŭ siabie vielmi spakojna i cichamirna.
«Spadziajusia, takim jon i zastaniecca», — skazała jana ŭ žart archibiskupu Kienterbieryjskamu Džaścinu Uełbi.
Na aficyjnych fota aproč prynca Łui, jaho brata prynca Džordža, siastry pryncesy Šarłoty i baćkoŭ taksama možna ŭbačyć prynca Hary i jaho žonku Miehan, prynca Čarlza i jaho žonku Kamiłu, a taksama siamju Midłtan — baćkoŭ Kiejt, brata Džejmsa i siastru Pipu.