U Minsku piacihadovy chłopčyk zvaliŭsia ź siomaha paviercha: jaho złavili susiedzi
Twitter / @apollych dla TUT.BY
Uviečary 9 lipienia na vulicy Maršała Łosika ŭ Minsku ledźvie nie adbyłasia trahiedyja. Chłopčyk vypaŭ z akna, jaho vyratavali susiedzi. Pra heta raspavioŭ śviedka Siarhiej u svaim tvitary.
Mama z dvuma dziećmi pajšła hulać, a piacihadovy chłopčyk zastaŭsia doma. Mabyć, jon taksama chacieŭ adpravicca na prahułku. Dzicia vyvaliłasia z akna, ale paśpieła schapicca za ramu. Heta zaŭvažyli žychary doma, jany adrazu ž paprasili ŭ susiedziaŭ ź pieršaha paviercha koŭdru — joj i złavili chłopčyka, kali toj užo nie moh trymacca i adpuściŭ ramu.
«Łavili ŭ pled, pled parvaŭsia. Siarod nas znajšoŭsia doktar-chirurh. Jon i akazaŭ pieršuju dapamohu», - raspavioŭ Siarhiej.
Dzicia špitalizavana, jano znachodzicca ŭ RNPC dziciačaj chirurhii. Stan ciažki, stabilny», - skazali BiełTA ŭ Ministerstvie achovy zdaroŭja.