Iran abvinavaciŭ Izrail u kradziažy daždžavych abłokaŭ i śniehu z hornych viaršyń
Načalnik iranskaha ŭpraŭleńnia hramadzianskaj abarony Halamreza Džałali abvinavaciŭ Izrail i niejkuju «susiedniuju krainu» u raźviazvańni klimatyčnaj vajny.
Pa słovach Džałali, z-za dziejańniaŭ Izraila ŭ bok Irana pieramiaščajucca pavietranyja masy, pazbaŭlenyja vilhaci. Prablemy zasuchi čynoŭnik zakranuŭ na kanfierencyi, pryśviečanaj hramadzianskaj abaronie ŭ sielskahaspadarčych halinach.
Džałali zajaviŭ, što źmianieńnie klimatu ŭ Iranie vyklikana zamiežnym umiašańniem. «My sutykajemsia z vypadkami kradziažu abłokaŭ i śniehu», — rastłumačyŭ jon. Pavodle jaho słoŭ, zhodna z navukovymi danymi, na praciahu apošnich čatyroch hadoŭ śnieham byli pakrytyja ŭsie hornyja viaršyni vyšej 2200 mietraŭ nad uzroŭniem mora ad Afhanistana da Mižziemnaha mora, za vyklučeńniem terytoryi Irana.
U subotu, 30 červienia, u horadzie Charemšechr, jaki znachodzicca na poŭdni Irana, adbylisia masavyja akcyi pratestu na fonie vostraha niedachopu pitnoj vady.