Hrupa biełaruskich žančyn krała pradukty z mahazinaŭ u Biełastoku i 3 miesiacy zastavałasia niaŭłoŭnaj
Z 27 sakavika pa 2 maja 2018 hady 4 žančyny skrali ź dźviuch kram Biedronka ŭ Biełastoku pradukty na ahulnuju sumu 800 złotych (krychu bolš za 200$). Fakty kradziažu zafiksavali kamiery nazirańnia, jakija znachodzilisia ŭ handlovych abjektach.
Palicyja mieła źviestki pra toje, što zładziejki razmaŭlajuć pa-rusku, tamu fota z kamier dasłali na punkty propusku na miažu.
Amal 2 miesiacy «banda» zastavałasia niaŭłoŭnaj, pakul u paniadziełak 25 červienia 2 žančyny nie ryzyknuli źjeździć znoŭ u Polšču. Supracoŭniki polskaj pamiežnaj słužby ŭ punkcie propusku Babroŭniki (sumiežny ŭ Biełarusi — Bierastavica) pry sprobie ŭjezdu ŭ Polšču identyfikavali dźviuch hramadzianak Biełarusi i pieradali ich palicyi.
Biełaruski pryznalisia ŭ złačynstvie i padzialilisia infarmacyjaj pra svaich «kalažanak».