Premjer Hrecyi zapatrabavaŭ ad Vialikabrytanii viarnuć marmur Parfienona
Premjer-ministr Hrecyi Aleksis Cypras na sustrečy sa svajoj brytanskaj kalehaj Terezaj Mej u Łondanie zapatrabavaŭ ad Vialikabrytanii viarnuć Afinam marmur Parfienona — elemienty i skulptury sa zboru staražytnahrečaskaha mastactva, hałoŭnym čynam z Afinskaha akropala, jakija byli pryviezieny ŭ Vialikabrytaniju ŭ XIX stahodździ i zaraz zachoŭvajucca ŭ brytanskim muziei.
Pra heta Cypras, jak pieradaje vydańnie Ekathimerini, zajaviŭ na pres-kanfierencyi pa vynikach pieramovaŭ z Mej, paviedamlaje RBK.
Hetaja prablema, jak adznačyŭ padčas bryfinhu premjer-ministr Hrecyi, maje dla jaho krainy peŭny maralny aśpiekt.
«Marmur [Parfienona] naležyć suśvietnaj kulturnaj spadčynie, ale naturalnaje miesca znachodžańnia hetych kulturnych kaštoŭnaściaŭ — u Parfienonie [na akropali ŭ Afinach]», —rastłumačyŭ Cypras. Mej padčas svajho vystupu hetuju temu kamientavać nie stała.
U čas sustrečy, jak padkreślili abodva premjer-ministry, baki abmierkavali ekanamičnyja pytańni i pierśpiektyvy brytanskich inviestycyj u Hrecyju.