U Minsku źjaviŭsia telefon davieru dla tych, kamu nie śpicca
Biaspłatnuju liniju pravilnaha snu zapuściŭ najbujniejšy ŭ Biełarusi vytvorca artapiedyčnych matracaŭ Vegas na try letnija nočy z 26 pa 28 červienia. Raspavieści pra pryčyny biessani abo pahavaryć pa dušach z samnołaham — śpiecyjalistam pa dyjahnostycy i lačeńni prablem, źviazanych z parušeńniem snu, — možna pa telefonie +375 29 677 15 01, pryčym tolki nočču i ad 23:00 da 02:00.
U astatni čas svaje pytańni prapanujuć pakidać na sajcie nieśpitsia.bieł. Samnołah daść rekamiendacyi ŭsim, chto da jaho źvierniecca, a troch čałaviek zaprosić na asabisty pryjom, dzie prapanuje prajści poŭny aŭdyt snu.
Kožnuju noč u śviecie ad 10% da 30% darosłych ludziej pakutujuć ad biessani, a letam hetyja pakazčyki jašče vyšejšyja. Navat pry samym hrubym padliku, atrymlivajecca, što ŭ Biełarusi kala 1 młn štodzionnych paŭnočnikaŭ. Linija pravilnaha snu «Viehas» dla tych, kamu nie śpicca, stanie častkaj vialikaj prahramy, kab dapamahčy biełarusam chutčej i macniej zasynać pa načach.
— Bolš za 10 hadoŭ kampanija Vegas kłapocicca ab zdarovym śnie biełarusaŭ, prapanoŭvajučy dla hetaha ceły kompleks pasłuh, ad vybaru spalnaha miesca da biaspłatnaj kansultacyi pa pytańniach snu, — raspaviadaje Kaciaryna Harabiec, dyrektar pa markietynhu brenda Vegas u Biełarusi. — Dla taho, kab za 6—7 hadzin arhanizm adnaviŭsia, son pavinien być hłybokim, a cieła całkam rassłablenym. U minułym hodzie my praviali bolš za 200 kliničnych vyprabavańniaŭ i zapatentavali navinku — spružynny błok Medizone, jaki siońnia vykarystoŭvajecca va ŭsich artapiedyčnych matracach Vegas. Dziakujučy čarhavańniu miakkaj i žorstkaj zony, zručna raźmiaścicca i całkam rassłabicca na takim matracy moža kožny, niezaležna ad svajho rostu abo vahi. My chočam, kab u kožnaha biełarusa była mahčymaść pa ranicach adčuvać siabie badziorym i śviežym.
Try nočy zapar, 26, 27 i 28 červienia, paŭnočnikaŭ čakajuć na linii pravilnaha snu «Viehas» pa telefonie +375 29 677 15 01. Samnołah adkaža na pytańni, źviazanyja ź simptomami i lačeńniem biessani, raskaža, što takoje hihijena snu, čamu chrap byvaje niebiaśpiečnym i jak abrać matrac, kab pa ranicach ničoha nie baleła. Praciahłaść kansultacyi — nie bolš za 10 chvilin, čas pracy — z 23:00 da 2:00. U inšy čas linija budzie pracavać u «śpiačym» režymie. Manatonny hołas aŭtaadkazčyka budzie začytvać «adna aviečki, dźvie aviečki, try aviečki», pakul toj, chto dazvaniŭsia, nie zaśnie sa słuchaŭkaj u ruce. Kansultacyja śpiecyjalista pa śnie biaspłatnaja, zvanok sa stacyjanarnaha abo mabilnaha telefona apłačvajecca pavodle taryfaŭ apieratara suviazi.
Kali vy ŭ pramym sensie praziavali hadziny pracy, možna źviarnucca pa kansultacyju na sajt nieśpitsia.bieł. Pytańni anłajn prymajuć da 28 červienia ŭklučna, svaje rekamiendacyi ŭsim, chto pakinuŭ zajaŭki, samnołah adpravić na elektronny adras nie paźniej za 30 červienia.
Z usich pytańniaŭ, jakija pastupili na sajt, samnołah abiare try samyja «zapuščanyja» vypadki i zaprosić ich aŭtaraŭ u Centr zdarovaha snu na biaspłatnaje kompleksnaje daśledavańnie — polisomnahrafiju. Padčas pracedury na ciele ŭstalujuć datčyki, jakija na praciahu ŭsioj nočy buduć fiksavać pakazańni arhanizma: fazy snu, uzrovień cisku, ciažar chrapu, pracu serca i h.d. U zaležnaści ad vyjaŭlenych prablem, samnołah składzie indyvidualnuju prahramu, jak palepšyć jakaść snu.