ŚMI: Tramp kanfliktuje z kiraŭnikom Pientahona
Prezident ZŠA Donald Tramp bolš nie prysłuchoŭvajecca da mierkavańnia kiraŭnika Pientahona Džejmsa Mecisa. Pra heta paviedamlaje NBC News sa spasyłkaj na pradstaŭnika Biełaha doma.
Krynica telekanała raspavioŭ, što Tramp i Mecis daŭno nie pravodzili zakrytyja sustrečy. Pavodle infarmacyi ŚMI, amierykanski lidar ličyć, što kiraŭnik Pientahona hladzić na jaho z vyšyni i znarok zapavolvaje realizacyju zamiežnapalityčnych inicyjatyŭ.
Adznačajecca, što pra rašeńnie Trampa vyjści ź jadziernaj ździełki Mecis daviedaŭsia ad svajho kalehi i byŭ vymušany damahacca telefonnaj razmovy z prezidentam. Kiraŭnik Pientahona taksama daviedaŭsia pastfaktum pra namier prypynić sumiesnyja vučeńni ZŠA i Paŭdniovaj Karei.