Trenier, jaki rychtavaŭ biełaruskich bijatłanistak da Alimpijady, pakidaje zbornuju
Staršy trenier žanočaj zbornaj Biełarusi pa bijatłonie Fiodar Svaboda pakidaje kamandu, paviedamlaje «Priessboł».
Fiodar Svaboda. Fota Uładzimira Nieściaroviča, pres-słužba Ministerstva sportu i turyzmu
Pavodle infarmacyi niekalkich krynic vydańnia, biełaruski śpiecyjalist, jaki rychtavaŭ kamandu da Alimpijskich hulniaŭ u Pchiončchanie, zvolniŭsia, što nazyvajecca, z kancami. Fiodar Anatoljevič admoviŭsia ad padaŭžeńnia kantraktu, dziejańnie jakoha zakančvajecca ŭ kancy červienia.
Chto stanie novym staršym trenieram, pakul nieviadoma. Imiony kandydataŭ nie vielmi hučnyja dla bijatłonnaha śvietu.
Ciapier u trenirovačnym pracesie biare ŭdzieł tolki adna spartsmienka z asnoŭnaha alimpijskaha składu — Iryna Kryŭko. Dzinara Alimbiekava prachodzić reabilitacyju paśla apieracyi na levym plačy, Nadzieja Skardzina i Nadzieja Pisarava karjery zaviaršyli, Darja Domračava da hetaha času nie ahučyła rašeńnie ab praciahu abo zaviaršeńni karjery.