Pucin i Parašenka abmierkavali spravu Siancova
Uładzimir Pucin i Piatro Parašenka praviali telefonnuju razmovu, paviedamiła pres-słužba ŭkrainskaha prezidenta i Kreml.
Parašenka zaklikaŭ rasijskaha kalehu vyzvalić «ukrainskich zakładnikaŭ, jakija ŭtrymlivajucca ŭ rasijskich turmach i na akupavanych joju terytoryjach», havorycca na sajcie prezidenta Ukrainy. Jon taksama padkreśliŭ, što važna dać ukrainskamu ambudsmienu Ludmile Siancovaj mahčymaść naviedać ŭkrainskaha režysiora Aleha Siancova (prysudžanaha ŭ Rasii da 20 hadoŭ u kałonii strohaha režymu) i inšych ukraincaŭ, jakija znachodziacca ŭ źniavoleńni.
Jašče adnoj temaj razmovy stali minskija damoŭlenaści: prezident Ukrainy zajaviŭ ab nieabchodnaści vykanańnia ich z boku Rasii.